Oppo F9 كل ما تريد معرفتة عن اوبو اف 9 المميزات والمواصفات

طبعا لما شركة بتنزل موبايل جديد بتقبى عايز تعرف اية الجديد واية اللى يفرقة عن الأصدار اللى قابلة
واحنا ان شاء الله فى هذة المقالة هنقلكم اية مميزات اوبو اف 9 الجديدة واية الفرق بينة وبين اوبو اف 7

اولا  من أهم المميزات فى oppo f9 غير موجودة فى اوبو اف 7 “التصميم”

بالنسبة للتصميم وملمس الموبايل اتحسن عشان بقى فية انحنائات هتحس فى مسكته أنه أفضل من الـ F7
وكمان الألوان اتحسنت كتير اوبو ابتدت تستخدم نفس فكرة هواوى وتدخل لنونين فى بعض
هتلاقى النسخة الحمرا فيها مزج فى الألوان بين الأحمر والموف وحتى الفريم كمان بقى فية مزج بين اللونين ودة مدى الموبايل منظر مميز جدا
الشاشة من أفضل شاشات الفئة المتوسطة وفى الحقيقة هو مش الشاشة نفسها تصميم الشاشة نفسة بقى مميز جدا، الشركة استغلت النوتش بطريقة احترافية جدا وحطتلك كل حاجة فى حتة صغيرة جدا والشركة سمتها نقطة مية لأن كل حاجة بقت فى مكان صغير جدا عامل زى نقطة المية
هتلاقى سماعة المكالمات والكاميرا الأمامية فى الجزء الصغير دة، يعنى الناس خدت فكرة النوتش من شركة ابل وحسنتها بشكل كبير
بعكس أبل اللى ابتدعت الفكرة ووقفت على كدة مفيش اى تطور حتى الشركات التانية ابتدت تصغر النوتش وابل زى ماهى ولا
تخيل كدة اوبو حسنت الشاشة اللى بدون حواف ووصلت فى التحسين دةالى نوتش بحجم نقطة المية
نزلت الأول اف 5 فى اكتوبر 2017 يعنى كان الربع الأخير من السنة
وبعد كدة نزلت الـ اف 7 فى بداية 2018 وبالتحديد كان فى مارس 2018
الاف 5 كان من غير نوتش بس فى حواف من فوق
بعد كدة الاف 7 بقى فية نوتش صغير اصغر من اللى فى ايفون اكس اس ماكس
وبعد كدة نوتش قد نقطة المية فى Oppo F9 اللى اعلنت عنه فى اغسطس 2018
يعنى الاف 9 بيجى بالتصميم دة بعد تطور اقل من سنة
بعكس ايفون اللى محتاجين حوالى 3 او اربع سنين عشان نشوف فية حاجة جديدة

اية المميزات الجديدة غير التصميم

طبعا اف 9 مش هيبقى فية مميزات كتير عن الاف 7 وفى عدة اسباب للموضوع دة
السبب الأول انه بينه وبين اف 7 حوالى 5 شهور فقط يعنى ماكنشى فية فترة كافية انها تطور اكتر من كدة
السبب التانى انه اساسا نازل بسعر الاف 7 يعنى ضافتلك شوية حاجات جديدة وبتبعلك الموبايل بنفس السعر
يعنى لو كنت ناوى تجيب اف 7 ختجيب اف 9 بنفس السعر وبمميزات اكتر
ودى حاجة كويس جدا لو انت ناوى تجيب موبايل جديد لكن طبعا اللى كان معاة الأف 7 مش هيبقى مبسوط بالموضوع دة

السوفت وير وواجهة الأستخدام فى oppo f9

فى حاجات كتير اتظبطت فى السوف وير
الكاميرا الأمامية اتحسنت حاجات بسيطة بس سوفت وير فقط لكن هارد وير زى ماهى
البصمة أسرع مع العلم انها اصلا كانت سريعة
التعرف على الوجه بقى اسرع وأفضل
لكن فى حاجة بايخة جدا هنا انك مش هتاخد تحديثات بعد كدة
لأنهم لما نزلو f7 ظبطوا واجهة الاستخدام كللر او اس وموفروش تحديث للاف 5 ونفس الحكاية نزلو اف 9 ومفيش اى تحديث للاف 5
فانت لما تشترى Oppo F9 هيتطبق عليك نفس الأمر بعد أقل من 6 شهور هينزل أصدار احدث بنفس السعر وهيكون فية تحسينات فى السوفت وير وانت مش هيجيلك تحديثات
وانا هنا باتكلم عن التحديثات القوية لكن أول ما هتشترى الموبايل هيكون فية تحديثات امنية وممكن تبعتلك تحديثات للسوف بتاع الكاميرا بس حاجات بسيطة، وحاجات بتعالج المشاكل
لكن تحديث للسوفت وير للكلر او اس الجديد مش هتبعتلك
تحديث الأندرويد باردوة مش هتبعتهولك
لكن دة مايمنعشى ان الموبايل مميز جدا الصراحة

ثالثا الكاميرا الخلفية

من أهم الحاجات الجديدة اللى بتميز اوبو اف 9 هى الكاميرا الخلفية
الكاميرا بقت مزدوجة بقى عندنا واحدة للتصوير وواحدة تانية للعزل
يعنى دلوقتى الصور بوضع البوكا هتبقى افضل
دلوقتى العزل مبقاش سوفت وير بس لأ بقى عندنا كاميرا بتساعد فى العزل والموضوع هيبقى أفضل من الأول
وفى حاجة مهمة تانية وهو تصوير السلو موشن او التصوير البطئ
بقى عندنا أخيرا خاصية السلو موشن فى الموبايل تقدر دلوقتى تصور فيديوهات سلو موشن
هو مش تصوير بطئ قوى بس هى ميزة كويسة بالنسبة لموبايل فى الفئة المتوسطة
وكمان فى ناس كتير غاوية الموضوع دة فا دى هتبقى حاجة كويسه ليهم

من أهم مواصفات Oppo F9 هو تقنية VOOC Flash Charge

الموبايل بقى بيدعم خاصية الشحن السريع جدا جدا يعنى هتلاقية من أسرع الموبايلات فى الشحن سواء كنت بتتكلم على الفئة المتوسطة او بتتكلم على موبايلات الفلاج شيب
اف 9 اسرع موبايل فى الشحن بدون منافس غير طبعا الفايند اكس اللى بيجى من اوبو باردوة

خامسا الشاشة

الشاشة السطوع فيها بقى أعلى فى ناس بتقول ان الموبايل كان فية مشكلة اثناء الاستخدام تحت اشعة الشمس مش بتشوف كويس لكن بصراحة انا مواجهتنيش المشكلة دى فى Oppo f7 لكن عى كل حال السطوع بقى اعلى واتحسن كتير
فى حاجة كمان مهمة فى الشاشة وهى انها بقى عليها طبقة حماية كورنينج جوريلا الأصدار السادس ودة اول موبايل يجى بالأصدار السادس ودى حاجة تحتسب للشركة
بقيت المكوانات هى هى اللى فى اوبو اف 7
نفس المعالج نفس الذاكرة العشوائية
نفد دقة الكاميرا
كل جحاجة هى هى بخلاف بس اللى قلنا علية
وبالنسبة للسعر فهو فية حاجة غريبة جدا
سعر Oppo f9 فى مصر 5790 جنية مصرى
الأف 7 لما نزل كان ب 5990 جنية مصرى فا انا مش فاهم هى نصبت يعنى على الناس اللى اشترت اف 7 ولا اية مش فاهم بتدينى مميزات اكتر بسعر أقل.
لكن عموما بشكل عام سعر الموبايل الموبايل جميل جدا ويمكن هى منزالة بسعر كويس عشان تقدر تنافس وتحقق مبيعات اكتر